100 OLHARES.

Moisés adormecido | Moisés adrumido

Bina Cangueiro /texto) / Luis Cangueiro (foto)

Tiveste uma mãe ao nascer e agora todas te choram. O deserto em que as deixas é uma nascente a ferver transportando rochas onde se esconde o sofrimento e a dor. Secou a alegria, morreram sorrisos e nasceu a canção dos gemidos. Agora estendem-se olhares que não saem do chão onde tu estás, deitado como Moisés, numa caixinha aberta para respirar o perfume das pétalas de rosas que deixas semeadas no deserto de dor. Estás tão bonito que me dá vontade de te abraçar, mas não posso acordar-te e vou deixar que deslizes pelas águas do sofrimento para não te perturbar. Gostava que ficasses para te ver crescer, sorrir, abraçar a vida, secar a nascente da dor que tu rebentaste, mas não vou mudar o destino. Foste escolhido! Deixa-te ficar a respirar o perfume das pétalas das rosas que tu semeaste.

Solo tubiste ua mai i agora todas choran por ti. L zerto an qu’eilhas quedan, ye ua naciente a ferber arrastrando fragas adonde se sconden las penas i ls delores. Secou-se la alegrie, morriu-se la risica i naciu la cantiga de ls gemidos. Agora sparban-se ls uolhos que nun salen de l chano adonde tu stás, deitado cumo Moisés, drento dua caixica abierta pa respirar l cherume de las pítulas de rosas que deixas sembradas nesta tierra ressequida pul delor. Stás tan lindo que tengo gana de te abraçar, mas nun puodo spertar-te i bou a deixar-te resbalar pulas augas de l sufrimiento pa nun te anquemodar. Gostaba que quedasses pa te ber medrar, rires-te, abraçares la bida, secar la naciente de l delor que tu arrebenteste, mas nun bou a demudar la signa. Fuste scuolhido! Deixa-te quedar a sorber l cherume de las pítulas de las rosas que tu sembreste.